O LIBRO DOS REIS MAGOS

 Unha proposta de lectura para todos, nenos e maiores, para estas festas de Nadal

O LIBRO DOS REIS MAGOS.pdf

BO NADAL

O Apalpador, a figura tradicional do Nadal nalgunhas zonas de montaña do país -tamén coñecido co nome de Pandigueiro na comarca de Trives- é a figura mítica galega dun bo pastor carboeiro nado no Courel. Segundo a tradición, durante todo o ano fabrica carbón e xoguetes coa madeira das árbores das altas montañas e bosques nos que mora.

A noite do 24 ou do 31 de decembro, baixa ós pobos a visitar aos nenos, tócalles o ventre para ollar se comeron o suficiente durante todo o ano e déixalles unha morea de castañas quentes e, ás veces, algúns agasallos de madeira, desexándolles que teñan un bo ano novo cheo de felicidade e comida.

BO NADAL 2012 E PRÓSPERO ANINOVO 2013

MAGOSTO

MAGOSTO 2012_INMACULADA - diapositivas

SAMAÍN 2012

EXPOSICIÓN DE CABAZAS

DESTA... SAIREMOS COMO GALEGOS

Neste tempo de crise ... deixemos un oco á ESPERANZA. Maloserá, non?

FESTA FIN DE CURSO 2012

INFANTIL
 
PRIMARIA
 
ESO

FESTIVAL DE EXTRAESCOLARES

OS CADETES DO BARÇA DE BALONCESTO VISITAN O NOSO COLE

O venres 1 de xuño foi un día que os alumnos do nos o cole non esquecerán. Se emotiva foi a visita de Fina Casalderrey tamén o foi a dos xogadores do equipo cadete do Barça que o sábado se enfrontaron ao Marín Peixe Fresco (que, por certo, resultaron subcampións... Noraboa, Peixe!!!!)

VISITA DE FINA CASALDERREY

Xa sabedes que o pasado vendes 1 de xuño estivo Fina Casalderrey visitando aos nenos de 2º e 3º de Primaria. A autora compartiu cos alumnos o seu enorme saber, a súa dozura e, sobre todo, a súa paixón pola literatura e pola lectura.

Fina faloulles aos alumnos da súa vida, de como empezou a ler e a escribir e como foi desenvolvendo o seu amor polos libros e pola beleza das palabras.

Graciñas, Fina, pola túa visita e as túas palabras.

Aquí vos deixo as imaxes para ver como transcorreu a charla.

2º PREMIO IV CONCURSO NOVOS TALENTOS RELATO CURTO COCA COLA

O venres 25 de maio, a alumna de 2º de ESO B, ÁNGELA GESTIDO LORENZO, foi galardoada cun merecidísimo 2º premio no Concurso Novos Talentos - Relato Curto de Coca Cola, que este ano celebrou a súa 4ª edición.

A cerimonia de entrega de premios celebrouse en Santiago, no Auditorio de Galicia, ante un nutrido grupo de asistentes, entre os que se encontraban importantes personalidades políticas e literarias que animaron o alumnado a continuar con "esa marabillosa afección que é a escritura".A nosa orgullosa gañadora recibiu, ademais das felicitacións da organización, numerosos premios que, sen dúbida, lle servirán de estímulo para impulsar a súa vocación literaria.

Noraboa, campioa!

Unha frase extraída do relato de ÁNGELA

Entrega do diploma acreditativo do 2º premio

Outro día estresante; para a semana nove exames e para a que vén dous máis. Pero que é isto! Hai que facer unha folga! Non, si, non, si, non...

Os meus pensamentos contradícense e confúndenme, como en moitos casos de nenos da miña idade. Si, sei o que pensades, teño trece anos, a idade do galo, galiña, polo e todo iso que din os pais para bromear sobre nós. O único que teño claro na vida é que non teño nada claro. O único que non teño claro na vida é todo.

Teño dúas opcións na vida: vivir ben agora e mal despois, ou viceversa. Se agora son popular e me poño coa maioría dos meus compañeiros a facer parvadas, desas que todos sabemos, de maior non serei un home de proveito; pero pola contra, se agora estudo, e iso supón que me discriminen socialmente, o día de mañá si serei un home de proveito.Pensamentos, razóns, teorías, xente, ideas... rodean a miña cabeza. Na miña familia dinme unha cousa e na escola outra. ¿ E se penso en persoas ? Podería seguir os seus exemplos. Non, si, non, si, non... ¡Outra vez! Estou confundido; veña... alguén... alguén que poida servir de exemplo. Alguén que poida ser... o meu ídolo! Si, iso. Por primeira vez decídome nunha cousa, asento nun dos ocos da miña cabeza e non ando revoloteando polos pensamentos; pero iso non significa que non necesite a ninguén...Hmm... acendo a tele? Si. Imos mellorando, pero esa non é a resposta que preciso, nin a pregunta que necesito responder. Hmmm... acendo a tel? AGORA MESMO. Unha canle, dúas canles, tres, catro, cinco... STOP! Isto interésame; triatlón, pode ser que aquí atope a alguén; esta xente sempre se está superando e ten pinta de decidida. Javier Gómez Noya? Dá un discurso? Agora? En televisión?

Ángela posando con outras finalistas

-Si, sempre me estou superando. O saber que podo conseguir máis, dáme forza. Ao principio non era fácil, pero non hai que pensar no presente, hai que pensar no futuro. Iso non me convence... ¿ou si? Si, non, si, non... NON! Xa está ben! Quero vivir a vida, quero... quero... quero facer parvadas. A xente equivócase, si, pero eu non. Porque teño que facer o que me din? Son independente. Xa está ben de tanta "indesividade". Agora digo non. Non para sempre.

Premios desta 4ª edición

4ª EDICIÓN CONCURSO COCA COLA

Ángela Gestido, na súa aula de 2º ESO (foto de Chiara López)

Unha foto do triatleta galego Javier Gómez Noya subido á súa bicicleta foi o punto de partida para os alumnos e alumnas de 2º de ESO que participaron no IV Concurso Novos Talentos - Premio de Relato Curto en galego, organizado por Coca Cola.

Os estudantes, procedentes de diferentes institutos e colexios galegos, tiveron que escribir unha redacción inspirándose nesa foto. Entre os participantes, o nerviosismo era a tónica xeral antes de comezar a proba.

Non foi menos para as nosas alumnas. E das catro que participaron, Ángela Gestido, de 2º ESO B, quedou finalista no sector Pontevedra-Ourense. Este venres, 25 de Maio, acudirá a recoller o seu premio na Santiago de Compostela nunha gala que terá lugar no Auditorio de Galicia.

Desexámosche moita sorte, Ángela!!!!

CERTAME RELATO CURTO CONCELLO DE MARÍN 2012

Velaiquí os gañadores no Certame de Relato Curto Concello de Marín.

FESTA DA POESÍA - LETRAS GALEGAS 2012

Vou facer miñas as palabras dunha gran mestra do noso cole para iniciar esta breve reseña da Festa da Poesía e, co seu permiso, vou utilizalas e adaptalas :

O mes de Maio é un mes de festa no colexio.

Maio é o mes das flores…,

da Virxe María…,

das nais…,

das Letras Galegas…,

e da poesía…

A poesía ten o poder de TRANSFORMAR OS SONS EN SENTIMENTOS.

Sentimentos de cariño…, de admiración…, de agradecemento…

Por iso, todos fixemos o posible por escribir as nosas poesías…

Poemas referidos á natureza…, porque a admiramos.

Á nosa familia…, porque a queremos.

Ao noso pobo…, ao noso cole… aos nosos amores.

Esta mañá, todos imos saber quen son os  gañadores.

Aínda que gañamos todos os que amamos a poesía, 

os que queremos facer bo uso da palabra, 

os que loitamos porque a nosa lingua, o galego, 

perviva moitos anos e conviva en harmonía con estoutra lingua, a de Cervantes.

Todos somos gañadores, se sabemos recoñecer, con humildade, 

o merecido triunfo dos nosos compañeiros e, sobre todo,  

se sabemos respectar o que aquí hoxe celebramos,
a Festa da Poesía, a Festa das Letras Galegas, a Festa da Palabra. 

Estas son algunas das imaxes da Festa da Poesía 2012. En breve publicaremos a relación de gañadores. NORABOA A TODOS E TODAS!!!!

PRIMARIA

 
ESO

LETRAS GALEGAS 2012: VALENTÍN PAZ ANDRADE

Avogado, xornalista, poeta, viaxeiro, home de empresa e vinculado á política. A personalidade multifacética de Valentín Paz-Andrade, empapada, ao mesmo tempo, de grande humanidade, estivera marcada por un único obxectivo: traballar por e para Galicia.

TEST PAZ ANDRADE

BIOGRAFÍA PAZ ANDRADE

WEB OFICIAL PAZ ANDRADE

MÁIS RECURSOS PAZ ANDRADE

ACTIVIDADES EN LIÑA PAZ ANDRADE

XOGO PREGUNTAS

PASAPALABRA

LIBRO INTERACTIVO PAZ ANDRADE

GALERÍA DE IMAXES

VÍDEOS PAZ ANDRADE

TWITTER

9 DE MAIO, DÍA DE EUROPA

De Wikipedia, a enciclopedia libre 

 O Día de Europa é unha celebración que ten lugar cada 9 de maio na Unión Europea, en recordo da denominada Declaración Schuman, na que o ministro francés de exteriores, Robert Schuman, deu o primeiro paso para a integración dos estados europeos ao propor que o carbón e o aceiro de Alemaña (entón República Federal Alemá) e Francia (e os demais países que se adherisen) se sometesen a unha administración conxunta, impulsando a creación da primeira Comunidade Europea: a do Carbón e Aceiro, sendo, xa que logo, a orixe da actual Unión Europea. 

 A importancia desta proposta realizada en 1950, cinco anos logo da rendición do réxime nazi e ante unha Europa devastada pola II Guerra Mundial, radica ademais en que ao someter as dúas producións indispensables da industria do armamento a unha única autoridade, os países que participasen nesta organización, atoparían unha gran dificultade no caso de querer iniciar unha guerra entre eles.

 A conmemoración desta data ten lugar desde 1985, tras a súa aprobación polos Xefes de Estado e de goberno reunidos no Consello Europeo. A pesar de ser o único día de celebración oficial na Unión Europea, considérase un día laborable e as celebracións organizadas polos estados membros non adoitan equipararse ás que se realizan con motivo das festas nacionais de cada estado. 

  

 Historia

 Robert Schuman pronunciou a declaración que deu orixe á primeira Comunidade Europea. 

Ás 6 da tarde do 9 de maio de 1950 convocouse á prensa en París, no Salón do Reloxo do Ministerio de Asuntos Exteriores francés do Quai d'Orsay, para realizar unha "comunicación da maior importancia", que fora redactada por Jean Monnet e pronunciou Robert Schuman, ministro de Asuntos Esteriores. 

 No Cume de Milán de 1985 os Xefes de Estado e de goberno decidiron celebrar o 9 de maio como o "Día de Europa". A designación oficial dese día de maio, como Día de Europa, coincidiu co centenario do nacemento de Schuman (1886), que xunto con Jean Monnet, Konrad Adenauer e Alcide De Gasperi, son considerados os Pais Fundadores da Europa Comunitaria. 

 Moitos centros educativos festexan o 9 de maio para facer chegar aos alumnos a importancia dese día nas súas vidas. Os nenos e novos son os futuros cidadáns da Unión Europea, por iso cada vez máis docentes participan con actividades e iniciativas que fomenten o europeísmo. 

 Destacan as celebracións promovidas polo Proxecto Célula Europa que buscan a difusión deste día no sector do ensino.

DÍA DO LIBRO 2012

 O 23 de Abril celébrase o día do libro. Esta festa ten a súa orixe na celebración da Diada de Sant Jordi en Cataluña, sendo documentada polo menos desde 1925 a tradición de as parellas se intercambiaren un libro e unha rosa.

Ao mesmo tempo, en 1926 comezaron os esforzos para a creación dun Día do Libro que conmemoraría a figura de Miguel de Cervantes. Orixinariamente, a data escollida era o día do seu nacemento, o 7 de outubro, mais en 1930 mudou ao día da súa morte, o 23 de abril.

Non foi até 1995 cando a UNESCO decidiu outorgar carácter oficial e mundial á conmemoración do Día do Libro. Na elección da data tívose en conta o feito dunha triple coincidencia: o 23 de abril de 1616 teríanse producido as mortes de Miguel de Cervantes, William Shakespeare e Garcilaso de la Vega. (En realidade, as mortes non ocorreron o mesmo día, xa que Cervantes morreu o día 22, sendo enterrado o 23, e Shakespeare morreu o día 3 de maio segundo o calendario gregoriano, que corresponde ao 23 de abril no calendario xuliano)

GRAN XOGO DON QUIXOTE

Aproveitando que estamos na semana de conmemoración desta data, ofrézovos unha bonita reflexión sobre o personaxe creado por Cervantes, Don Quixote:

D.quixote loucuradeamar

View more presentations from MonseGarciaBlanco.

ENTROIDO 2012

ENTROIDO 2012 INFANTIL

ENTROIDO 2012 PRIMARIA -ESO